લુત્ફ – એ – શેર : મણકો # ૪

ભગવાન થાવરાણી

બહાદુર શાહ  ‘ ઝફર ‘ કેવળ અંતિમ મોગલ બાદશાહ જ નહીં, એક સિદ્ધહસ્ત શાયર પણ હતા. તેઓ ગાલિબના સમકાલીન હતા.

કેટલીક ગઝલો એવી છે જે વર્ષો સુધી એમના નામે પ્રચલિત રહી પણ પછીથી એ રચનાઓના અસલ શાયર કોઈ બીજા નીકળ્યા. જેમ કે  ફિલ્મ  ‘ લાલ કિલ્લા ‘ માં લેવાયેલી એમની ગઝલ  ‘ ન કિસી કી આંખ કા નૂર હું ‘ પાછળથી જાવેદ અખ્તરના દાદા અને જાન્નિસાર અખતરના પિતા મુઝ્તર ખૈરાબાદીની નીકળી.

આજે જે શેરની વાત કરું છું એ પણ છે તો  ‘ ઝફર ‘ ના નામે પરંતુ અહીં પણ વિવાદ છે. ખેર ! આપણે શેરથી મતલબ રાખીએ. જુઓ :

મુજકો  સૂલી  પે  ચઢાને  કી  જરૂરત  ક્યા  હૈ
મેરે  હાથોં  સે  કલમ  છીન  લો  – મર  જાઉંગા ..

કેટલી સરળ છતાં અદ્ભૂત વાત ! જો કોઈને મારી નાખવો હોય, એની જિંદગી ખતમ કરવી હોય, એના શ્વાસ રુંધવા હોય તો પરંપરાગત ભૌતિક તરીકાને બદલે માત્ર એટલું જ કરો કે એની પાસેથી એની મનપસંદ પ્રવૃત્તિ છીનવી લો ! એ મારી નાખવાનો જ એક પ્રકાર છે. કેટલાય લોકો એવા હોય છે જેમના માટે સંગીત, કવિતા, ભ્રમણ, લેખન, મિત્રો કે કોઈ વ્યક્તિ-વિશેષ એમનું જીવન હોય છે. એમને જીવતે-જીવ મારી નાખવા આમાંનુ કંઈં છીનવી લેવું જ પર્યાપ્ત થઈ પડે.

સીધી વાત, સોંસરવા શબ્દો


શ્રી ભગવાન થાવરાણીનો સંપર્ક bhagwan.thavrani@gmail.com વીજાણુ પત્રવ્યવહાર સરનામે થઈ શકશે.

Facebooktwitterredditpinterestlinkedinmail

2 comments for “લુત્ફ – એ – શેર : મણકો # ૪

  1. Mrs Priti Trivedi
    June 20, 2020 at 10:10 am

    વાહ ખુબજ અદ્ભુત વાત કરી છે સર. સાવ સાચી વાત છે માણસ પાસે થી એની મનગમતી પ્રવૃતિ છીનવાઈ જાય તો તે જાણે અડધો તો મરી જ જાય છે.

  2. Samir Padmakant Dholakia
    July 1, 2020 at 1:46 pm

    “ન કિસી કી આંખ કા નુર હું ” આ પંક્તિઓ બહાદુર શાહ ઝફરે નથી લખી તે પહેલી વાર જાણ્યું !
    કોઈ પણ વ્યક્તિ માં થી મનગમતી પ્રવૃત્તિ લઇ લેવામાં આવે તો એનો આત્મા તો મરી જ જાય છે આ વાત શાયરે કેટલી સરસ રીતે રજુ કરી છે !
    આભાર ,ભગવાનભાઈ !

Leave a Reply

You have to agree to the comment policy.

This site uses Akismet to reduce spam. Learn how your comment data is processed.