કેટલાંક મુક્તકો

સુરતમાં રહેતા અને મુક્તકોના મહારાજા ગણાતા ડો. દિલીપ મોદી અગાઉ વે.ગુ. પર પગરણ કરી ચૂક્યા છે. આજે તેમના કેટલાંક મઝાના મુક્તકો અત્રે પ્રસ્તૂત છે.

‘વેગુ’ સાહિત્ય સમિતિ વતી…દેવિકા ધ્રુવ

               મુક્તકો

                                                          -ડૉ. દીલીપ મોદી

· યાર, સોનોગ્રાફી ક્યાં સંબંધની થાય?
એક્સ–રેમાં દર્દ ભીતરનું શું દેખાય ?
ટેસ્ટ લોહીનો કરાવી જોઈએ, ચાલ–
પ્રેમના જીવાણુ જો માલમ પડી જાય !

                        +  +

· શબ્દ સીવે છે એ જાણે દરજી હો.
ઊર્મિઓ મારી હૃદયની અરજી હો.
શ્વાસમાં વિશ્વાસનો ઈતિહાસ છે;
આખરે તો જેવી તારી મરજી હો.

                           +  +

· ટેરવાં કાપીને હું અક્ષર લખું.
ડાયરીમાં સ્નેહના અવસર લખું.
તારી સાથેના પ્રસંગો, હે સખી;
આજ મારા રક્તની ભીતર લખું.

                        +  +

· હું અહર્નિશ કૈંક ઝંખું છું સરસને
જળનું સરનામું મળે મારી તરસને
આ નહીં તો આવતા જન્મે મળીશું
વિતતાં ક્યાં વાર લાગે છે વરસને ?

                        +  +

· ઝેર પીધું; જીવતો તોયે રહ્યો
જખ્મ લીલોછમ હસીને મેં સહ્યો;
આંખમાંથી વહેતી ધારા જોઈ લો–
‘હું’ નદી થઈને સતત કેવો વહ્યો !

                      +  +

· લાગણીના રંગથી રંગાઈ જઈએ.
ચાલ, મોસમ છે હવે ભીંજાઈ જઈએ.
આંખથી તારી હું, મારી આંખથી તું;
હા, પરસ્પર આપણે વંચાઈ જઈએ.


કવિસંપર્ક:

ફોન : +91 261- 247 4700/ 266 2200 મોબાઈલ: 98259 33400 || E-mail: drdilipmodi@yahoo.com

Facebooktwitterredditpinterestlinkedinmail

1 comment for “કેટલાંક મુક્તકો

  1. September 23, 2019 at 2:53 am

    સરસ કલ્પનાઓ.

Leave a Reply

You have to agree to the comment policy.

This site uses Akismet to reduce spam. Learn how your comment data is processed.