ગઝલાક્ષરી ૨૫

હું પડીને જોઉં છું,

કોણ ઊંચકનાર છે?

                                             – સુનીલ શાહ

પડ્યા પછી ઉંચકનારને ક્યાં શોધવા જશો?

જુવો પહેલાં આજુબાજુ કોઇ બચાવનાર છે?

                                                – મહેન્દ્ર શાહ

                +    +     +      +

બે ટંક રોટલીને બે જોડ જુના કપડા

ને રોકડા બસ્સો પણ મળશે પગારમાં

                                                – ચંદ્રેશ ‘નારાજ઼”

સાંભળ, શું લાવીશ ને શું ખાઇશ બસ્સોના પગારમાંથી?

રોટલીથી જ પેટ ભર, શાક વગર શું નાખીશ વઘારમાં!

                                                  – મહેન્દ્ર શાહ

                      +    +     +      +

Quote

બધુ છીનવાઈ જાય તો ચિંતા

નહી કરવાની

*બુદ્ધિ*  અને   *અનુભવ*  કોઇની

તાકાત  નથી  છીનવી શકે

કુદરત બધાને *હીરા* જ બનાવે છે.

બસ  ઘસાય છે, એ જ ચમકે છે ..

                                            – What’s App posting

ચિંતા કેમ નહીં કરવાની?

કશું રહ્યું જ ના હોય, તો

શું ઘસાવાનું અને શું ચમકવાનું?

જે હતું એ તો બધા માટે

ઘસાયા એમાં સાફ થઇ ગયું!

                                                              – મહેન્દ્ર શાહ

                        +    +     +      +

માણસો છે કે પછી પડછાયા છે?

માણસો ક્યાં કદીય પરખાયા છે??

                                                             – નટવર મહેતા

શરું શરુંમાં તો વગર પારખ્યે માણસોથી એવા હરખાયા છે;

જેમ જેમ નજીક જતા ગયા, પછી તો એવા એ પછતાયા છે!

                                                                  – મહેન્દ્ર શાહ

                           +    +     +      +

આટલું સાથે મુકી દફનાવજો,

એક કોરી ડાયરી, ચશ્માં, કલમ !

                                                 – મનહર જમીલ

સાથે એકાદ સુંદરીને પણ દફનાવજો;

નહીં તો પ્રેરણા ક્યાંથી સ્ફૂરશે બલમ!

                                                   – મહેન્દ્ર શાહ

                          +    +     +      +

તબિયત કેમ છે ? પુછતા રહેજો

દર્દ લખીશ તમે વાંચતા રહેજો..

                                               – Kis S Na ( પ્રણવ ઝાંખર )

બધા જ મરીજ ઘાયલ નારાજ થઇ દર્દને રોયા કરશો?

કોઇક તો વૈદ હકીમ થઇ મલમપટ્ટા પણ કરતા રહેજો!

                                                                  – મહેન્દ્ર શાહ

                            +    +     +      +

*જયારે મૂડ ખરાબ હોય ત્યારે એક શબ્દ પણ ખરાબ ન બોલવો…*

*કારણ કે મૂડ સુધારવા માટે મોકો મળે છે પણ શબ્દ સુધારવા માટે મોકો નથી મળતો*

                                                                        – Posted: ગીતા દોશી

ખરાબ શબ્દો બોલીને એ અમારો મૂડ બગાડે છે;

ને એમનો મૂડ બગાડવા માટે મોકો નથી મળતો!

                                                                                   – મહેન્દ્ર શાહ

                              +    +     +      +

વીત્યા તેટલા વીતવાના નથી,

જે બાકી છે તેના અણસારે કહું છું!

                                                        – Posted: રંજન ગાંધી કવિ: અજ્ઞાત

વર્ષો વીત્યા કેટલા એની ખબર છે, વીતશે કેટલા? એ તો રામ જાણે;

વીતેલ જેટલાં તો નહી જ, પ્લસ માયનસ ૨૦-૨૫, અટકળે કહું છું!

                                                             – મહેન્દ્ર શાહ

                             +    +     +      +

પડવું છે જેને, એનું તમે શું કરી શકો?

હા, આપણાથી એમને ધક્કો મરાય નહીં !

                                                         – સુનીલ શાહ

આમ તમે છટકી ના જઇ શકો, પડવું જ છે જેને;

ધક્કો મારી પડવામાં એને મદદ કેમ કરાય નહીં?

                                                             – મહેન્દ્ર શાહ

                                     +    +     +      +

શ્વાસને સદરાની માફક વેતરીશું આપણે,
મોત કેવું હોય છે જોવા મરીશું આપણે.
                                                         – ચંદ્રેશ નારાજ

મર્યા પછી કેમના જોશો તમે મોત કેવું છે?
એના કરતાં કોઇ મરેલાને પૂછીશું આપણે!
                                                            – મહેન્દ્ર શાહ

                                +    +     +      +

આગ લાગશે તો ધુમાડો તો થશે!
એકલાં બળવાની શક્યતા ચકાસો!

                                                        – નટવર મહેતા

અંધાર્યું છે, વરસાદ પડશે તો છત્રી જોઇશે;

ના હોયતો પલળવાની શક્યતા ચકાસો!

                                                      – મહેન્દ્ર શાહ

                         +    +     +      +

કેમ દુનિયાથી દૂર થઇ ગ્યો છે
બોલ નારાજ તને શો ગમ છે ?

                                                          – ચંદ્રેશ નારાજ
આમ નારાજ ના થા;
હજું તારામાં દમ છે !

                                                              – મહેન્દ્ર શાહ

                                     +    +     +      +

ये आँखोंमें क्या कमी थी, जो आँखसे आँख लड पडी।

मेरी आँखे मेरे पास थी, उस पर तेरी नजर कैसे पडी।

                                                    – मधुकान्ता पंचाल

आॉंखो में कुछ कमी नहीं थी, इसी लिये तो हमारी नज़र पड़ी।

वैसे नज़र मिला कर दोष ना दो हमें आप जरुखे पे खड़ी खड़ी!

                                                          – महेन्द्र शाह

 

                                  +    +     +      +

થતા થતા જ થઈ જશે ઇશ્ક એમ સનમ;
નથી કરાતો ઇશ્ક તમારી જેમ વિચારીને.
                                                                                 – નટવર મહેતા

ઇશ્ક વન સાઇડેડ તો નથી ને? તમને થયો છે પણ
એને થયો છે કે નહી? જાવ, જઇને પૂછો બિચારીને
!
                                                                               – મહેન્દ્ર શાહ

                                    +    +     +      +

ચાંદની કોને પડી છે રોટલીની વાત કર
ઓઝરી ચૂલે ચડી છે રોટલીની વાત કર

                                                                            – ચંદ્રેશ નારાજ

શ્રાપ નહીં તો બીજું શું કહેવાય? ભૂખમરો ને ઉપરથી કવિ;

મૂક ચાંદને બાજુમાં, કવિતાઓ નડી છે, રોટલીની વાત કર!

                                                                              – મહેન્દ્ર શાહ

                              +    +     +      +

ધાર કે સાવ હું અજાણ્યો છું

ધાર કે તું મને મળી જ નથી

                                                                      – ચંદ્રેશ નારાજ

મળ્યા પછી ય શું કાંદા કાઢ્યા?

કોઇની સાથે તું ભળી જ નથી!

                                                                       – મહેન્દ્ર શાહ

                              +    +     +      +

ઓળખવું કોઈને અહીં બહુ વિકટ છે !

આ જગતને તખ્તે સહુ કોઈ નટ છે !!

                                                                           – નટવર મહેતા

નટને ઓળખવાની જફામાં ના પડો, એમને નટ જ રહેવા દો;

નટવર, અમારા તખ્તા પર તમે નટખટ છો, તમારો તો વટ છે!

                                                                          – મહેન્દ્ર શાહ

                                  +    +     +      +

એવું પણ થાય છે જિંદગીમાં કદીક !
જે પાસે હોય એ જ ન હોય નજદીક!!

                                                                         – નટવર મહેતા

તો રહો થોડોક સમય દૂર એમનાથી જે છે તમારી નજદીક;

બાકી આ તમારો ખોટો વ્હેમ છે, લાગે છે તમને  ખોટી બીક!

                                                                         – મહેન્દ્ર શાહ

                                 +    +     +      +

બહુ ના પાડી તો ય બેશક આવ્યું;
નફ્ફટ એવા ઘડપણનું શું કરવું?
                                                                           – નટવર મહેતા

શું કરવું? શું કરવું? એની લ્હાયમાં ના કરવાનું ઘણું બધુ કરી બેઠા;
જીંદગી આખી માણવા ના મળી, હવે આવા આ ટેન્સનનું શું કરવું?
                                                                               – મહેન્દ્ર શાહ

                                             +    +     +      +

વાદળો ગરજશે, વીજળી  ચમકશે, અંધારું ય ઘેરાશે!

આંખમાંથી ઓચિંતો થશે વરસાદ, કેવી રીતે ઊંઘશો?

                                                                                                       – નટવર મહેતા

કદાચ વાદળ, વીજળી, વરસાદ, અંધારું તો સહન કરી શકાશે;

પણ ખબર છે તમને? મચ્છરોનો ય છે ત્રાસ, કેવી રીતે ઊંઘશો?

                                                                                                   – મહેન્દ્ર શાહ

                                    +    +     +      +

નીચી નજરે સૌ લોકો ચરણ પખાળવા આવશે તારા;
છોડી સૌ મજબૂરી નટવર,ક્યારેક ઉદાર થઈને તું જો.

                                                                                                  – નટવર મહેતા
નીચી નજરે ચાલીશ ચૌટે લેણદાર જ્યારે સામે ભટકાશે;

તાકાત બહારનું દેવું કરી, એક વાર ઉધાર લઇને તું જો!

                                                                               – મહેન્દ્ર શાહ

                           +    +     +      +

મહેન્દ્ર શાહ : mahendraaruna1@gmail.com

Facebooktwittergoogle_plusredditpinterestlinkedinmail

4 comments for “ગઝલાક્ષરી ૨૫

  1. August 17, 2017 at 2:36 pm

    ये आँखोंमें क्या कमी थी, जो आँखसे आँख लड पडी।

    मेरी आँखे मेरे पास थी, उस पर तेरी नजर कैसे पडी।

    – मधुकान्ता पंचाल

    आॉंखो में कुछ कमी नहीं थी, इसी लिये तो हमारी नज़र पड़ी।

    वैसे नज़र मिला कर दोष ना दो हमें आप जरुखे पे खड़ी खड़ी!

    – महेन्द्र शाह

  2. August 24, 2017 at 5:35 pm

    માણસો છે કે પછી પડછાયા છે?

    માણસો ક્યાં કદીય પરખાયા છે??

    – નટવર મહેતા

    શરું શરુંમાં તો વગર પારખ્યે માણસોથી એવા હરખાયા છે;

    જેમ જેમ નજીક જતા ગયા, પછી તો એવા એ પછતાયા છે!

    – મહેન્દ્ર શાહ

    + + + +

    આટલું સાથે મુકી દફનાવજો,

    એક કોરી ડાયરી, ચશ્માં, કલમ !

    – મનહર જમીલ

    સાથે એકાદ સુંદરીને પણ દફનાવજો;

    નહીં તો પ્રેરણા ક્યાંથી સ્ફૂરશે બલમ!

    – મહેન્દ્ર શાહ

    બહુ મજા પડી.
    હવે શું થાય. આપણે મુસલમાન નથી. નહિંતર સોળ સોળ હુર મળી જાત.

  3. PH Bharadia
    August 26, 2017 at 6:31 am

    मौज थई गई, जाने के मुशायरो बराबर ठंडा पहोरे जाम्यो छे.

  4. PH Bharadia
    August 26, 2017 at 6:35 am

    अरे यारों शुं मौज थई गई।
    शायरो ए गजबनी नी महेफिल जमावी दीधी।
    क्या बात है।

Leave a Reply

You have to agree to the comment policy.