માહિતી વિસ્ફોટના સમયમાં બાળકો માતૃભાષામાં મૌલિક વિચારે અને લખે તે આશયથી ફેબ્રુઆરી માસમાં યોજાયેલ વાર્તા લેખન સ્પર્ધાને અભૂતપૂર્વ પ્રતિસાદ મળ્યો છે. સમસ્ત ગુજરાતના ૨૨ જીલ્લાઓ અને મુંબઈની મળીને  ૧૦૦થી પણ વધુ શાળાઓમાંથી પ્રાથમિક ચકાસણી બાદ ૧૩૭૫ વાર્તાઓ મળી હતી. આટલા વિશાળ ફલક પર બાળકો માટે વાર્તા-લેખનની સ્પર્ધા કદાચ પ્રથમ વાર યોજાઈ છે.

૨૫મી માર્ચે બપોરે ૩.૦૦ વાગે આત્મા હોલ(આશ્રમ રોડ)માં યોજાયેલ ઇનામ વિતરણ સમારોહની શુભ શરૂઆત ડૉ. તૃપ્તિબહેન વોરાએ ગણેશ-વંદનાથી કરી હતી. ત્યારબાદ શ્રી મુનીભાઈ દવેએ ‘વિચાર-વલોણું’ વિષે રસપ્રદ માહિતી આપી હતી. આ સ્પર્ધાનું સપનું સેવી તેને હકીકતમાં ફેરવનાર શ્રીમતી દર્શાબેન કીકાણીએ પોતાનાં પૂજ્ય માતા-પિતાના તર્પણ રૂપે કરેલી સ્પર્ધાની પરિકલ્પના અને તારણોની માહિતી આપી હતી. નોંધનીય વાત એ હતી કે બંને ગ્રુપનાં ત્રણેત્રણ ઇનામો બહેનો જ જીતી ગઈ છે.

આકાશવાણી અમદાવાદના પ્રોગ્રામ એક્ઝીક્યુટીવ અને જાણીતા ટી.વી. કલાકાર શ્રીમતી પારૂલબેન વ્યાસે વાર્તાને વધુ ભાવવાહી રીતે  રજૂ કરવાની કળા ઉદાહરણ સાથે પ્રસ્તુત કરી હતી.વડોદરાના પૂર્વ મેયર, સરદાર સરોવર નિગમના પૂર્વ ચેરમેન અને હાલના VUDA ના ચેરમેન શ્રી એન.વી.પટેલે એમની લાક્ષણિક સ્ટાઈલમાં વાર્તા લેખન અને ચારિત્ર્ય બંધારણ વિષે વાત કરી. વાઘ-બકરી ગ્રુપના ચેરમેન અને જાણીતા ઉદ્યોગપતિ શ્રી. પિયુષભાઈ દેસાઈએ સમાજ અને ઉદ્યોગજગત પરસ્પર કેવી રીતે સંકળાયેલ છે તેની સુંદર વાત ગમ્મત અને આનંદ સાથે કરી વાતાવરણની તાજગી બેવડી કરી દીધી હતી.

ઇનામ વિજેતાઓના નામની જાહેરાતે બાળકોમાં તરવરાટ વધારી દીધો હતો. ધો. ૯-૧૦ના ગ્રુપમાં અમદાવાદના શ્રેયસ ફાઉન્ડેશનની વિદ્યાર્થીની કાવ્યા ત્રિવેદી અને ધો ૬ થી ૮ના ગ્રુપમાં સુરતની વી.ડી.દેસાઈ શાળાની કૃતિ જાગીરદાર પ્રથમ ઇનામ જીતી ગયાં હતાં. બંને ગ્રુપમાં ૩ મોટાં અને ૧૦ પ્રોત્સાહન ઇનામો મળી ૨૬ બાળકો ઇનામને પાત્ર જાહેર થયાં હતાં.

પીઢ વાર્તાકાર અને નાટ્યકાર સુશ્રી ધીરુબેન પટેલે કાર્યક્રમ દરમ્યાન જ કીડી અને કાચનો પર્વત નામની શીઘ્ર બાળવાર્તા લખી સૌને આશ્ચર્યમાં ગરકાવ કરી દીધાં હતાં. શ્રી રાજેશભાઈ કિકાણીએ આ પ્રોજેક્ટ સાથે સંકળાયેલ તમામ લોકોનો આભાર માન્યો હતો. આખા સમારંભનું સુકાન જાણીતા લેખિકા અને વાર્તાકાર સુશ્રી પ્રજ્ઞાબેન પટેલે બહુ જ સુંદર રીતે સાંભળ્યું હતું.

Print Friendly
Facebooktwittergoogle_plusredditpinterestlinkedinmailFacebooktwittergoogle_plusredditpinterestlinkedinmailby feather

11 Comments

  • બહુ જ સરસ વાત. જાણીને આનંદ થયો. દક્ષાબેનને સો સો પ્રણામ.
    ગુજરાતની નવી પેઢી આપણી ભાષાથી દૂર થતી જાય છે – તે માન્યતા ખોટી છે!

  • भाग लेनारनी संख्याथी लागे छे बधा जीती गया छे.

    • darsha Kikani says:

      Well said, Mr. V K Vora! We raceived 1375 stories after scrutiny at school level…. this is as good as 10,000 to 12,000 students participating in the competition. Probably, for the first time, a story-writing competition is held and participated at such a large scale. Kudos to all !

  • pragnajuvyas says:

    સ રસ આનંદદાયક વાત
    આટલા વિશાળ ફલક પર બાળકો માટે વાર્તા-લેખનની સ્પર્ધાના આયોજન બદલ ધન્યવાદ

    • darsha Kikani says:

      આભાર, પ્રજ્ઞાબેન. બહુ પ્રોત્સાહક અનુભવ રહ્યો. દર વર્ષે આ રીતે વાર્તા સ્પર્ધા યોજવાનો વિચાર છે. વેબગુર્જરીએ આરંભથી અંત સુધી સાથ આપ્યો તે બદલ વિશેષ આભાર!

  • Jagat Kinkhabwala says:

    It speaks a lot about your love for the Gujarati language and young children!
    It must be a big task to read so many stories and eveluate, much bigger than one can think!
    Kudos Darsha!
    Keep it up and all the best.
    Warm Regards,
    Jagat Kinkhabwala

    • darsha Kikani says:

      આભાર, પ્રજ્ઞાબેન. બહુ પ્રોત્સાહક અનુભવ રહ્યો. દર વર્ષે આ રીતે વાર્તા સ્પર્ધા યોજવાનો વિચાર છે. વેબગુર્જરીએ આરંભથી અંત સુધી સાથ આપ્યો તે બદલ વિશેષ આભાર!

    • darsha Kikani says:

      Yes, it was a very enriching experience! It was a team work and credit goes to my team members too! Thanks, Jagat for your wishes.

  • swetal gajjar says:

    આદરણીય એવા દર્શામેડમને માતૃભાષા માટે આવું અકલ્પનીય અને અવર્ણનીય કામ કરવા બદલ કોટિ કોટિ વંદન તેમજ અભિનંદન.

    માતૃભાષા થકી તો બાળકમાનું બાળક જીવે છે, શ્વાસ લે છે, ઉછરે છે અને વિકસે છે.

    મા, માતૃભૂમિ અને માતૃભાષાનો ક્યારેય કોઈ વિકલ્પ હોતો નથી.

    • darsha Kikani says:

      આભાર, શ્વેતલ! બધાંની મહેનત રંગ લાવી! વર્ષોવર્ષ આ રીતે આપણે સ્પર્ધા કરતાં રહીએ અને બાળકો મોટી સંખ્યામાં ભાગ લેતાં રહે તેવી આશા!

1 Trackback or Pingback

Leave a Reply

Your email address will not be published. Required fields are marked *

Powered By Indic IME